Súkklivenjingarlega á Gran Canaria 2027

Súkklivenjingarlega á Gran Canaria 2027 🚴‍♀️☀️

Kom við okkum til eina viku við sól, venjing og felagsskapi á Gran Canaria!
Frá 26. januar til 3. februar 2027 endurtaka vit væleydnaða túrin og fara til eina av best egnaðu oyggjunum í Evropa til súkkling, har vit sameina góðar vegir, fjølbroytt landslag og hitt góða januarveðrið.

Praktiskt

• Ferð: Direkta flogferð frá Føroyum til Gran Canaria við Atlantic Airways
• Gisting: Sport Hotel Monte Feliz – powered by Playitas
• Matur: Hálv pensjón (morgunmatur og nátturið)
• Flutningur: Inkl. flutningur til og frá flogvøllinum á Gran Canaria

Prísir

• 12.000 DKK pr. persón í dupultkamari (deilir kamar við øðrum – skriva viðmerki í tilmeldingini um tú hevur ynski um kamarfelag)
• 16.000 DKK pr. persón í einakamari (avmarkað nøgd – sig frá skjótast, skal bíleggjast serskilt)

Við tilmelding rindar tú 4.000 DKK í depositum + 100 DKK í avgreiðslugjald. Restin skal rindast seinast 1/12-26. Lena sendur eina rokning á mail tá vit nærkast.

Venjing og málbólkur

Hetta er fyrst og fremst ein venjingarlega fyri bruttohópin í súkkling og triathlon, men øll eru vælkomin at koma við.

• Landsliðsvenjarin leggur venjingarætlanina fyri bruttohópin, og øll kunnu síggja hvussu venjingin verður skipað.
• Tríggir felagstúrar verða gjørdir hvønn dag – ein fyri teir skjótari og ein fyri teir minni skjótari súkklararnar umframt munur á longdini á túrinum.
• Tú ert eisini vælkomin at leggja tíni egnu túrar eftir egnum ynski.

Umhvørvið

Gran Canaria er eitt mekka fyri súkklarar – her finnur tú:

• Brøttu fjøllini í norðurpartinum við episkum stigningum og útsýni
• Framúr góðar vegir og lítil ferðsla á teimum bestu rutunum
• Einastaðni har tú longu í januar kanst súkkla í sól og 20+ stigum

Hetta er staðið, har nógv av heimsins bestu lið og einstaklingar leggja sínar vetrarlegur.

Hjálparlið

Tað verða mekanikari og hjálparfólk við á túrinum – og fylgi bilur, sum koyrir aftan á. Meira kunning um hetta kemur, tá ið vit nærkast.

Íroknað í prísinum

✔️ Flogferð úr Føroyum til Gran Canaria
✔️ Gisting á Sport Hotel Monte Feliz
✔️ Morgunmatur & nátturið (hálv pensjón)
✔️ Flutningur til/frá hotellinum
✔️ Venjing og leiðsla

Ikki íroknað

❌ Ferðatrygging
❌ Orku matur til venjing
❌ Súkkluleiga (møguligt at læna súkklu á hotellinum, hetta stendur man sjálvur fyri)

Avmarkað pláss

Vit hava 35 pláss, so melda teg til beinanvegin, um tú vilt tryggja tær pláss á hesum serliga túrinum.