FM VEG 2022 Býarsúkkling

Kappingin um FM heitið í býarsúkkling verður í Tórshavn týskvøldið 14. juni 2022.

Gevið gætur, at startur og mál eru flutt til ídnaðarøkið við Velbastaðvegin og at stevnuøkið er hjá P/F Wenzel.

Tilmelding

Luttøkugjaldið fyri FM kappingina er 100 kr. og tilmeldingin fer fram á Atongumerki. Freistin at melda til er sunnukvøldið 12. juni. Luttakarlisti sæst her.

Skrá

Kl. 17.00 Innskriving
Kl. 17.45 Startuppkall og kunning
Kl. 18.00 Startur
Kl. 18.50 Síðstu súkklarar á mál
Kl. 19.00 Heiðursmerkjahandan

Stevnuøki

Møtt verður hjá Wenzel, har innskrivingin er. Mong parkeringsøki eru nærindis. Møguleiki er ikki fyri at fara í bað, men til ber at skifta innandura í hølunum hjá Wenzel.

Lýsing av kapping

Súkklað verður í 45 min. + 3 umfør. Tað vil siga, at tá ið 45 min. eru farnir, verður ringt á einari klokku og súkklað verða 3 umfør afturat.

Vanligt er, at tá ið ein verður yvirhálaður við einari umfari, steðgar ein í kappingini. Her verður tó loyvt hjá øllum at halda á, inntil kappingartíðin er farin. Tó so, at verður ein súkklari tikin við einumfari, skal hann/hon geva pláss fyri tí, ið yvirhálar, og ikki ávirka kappingarstøðuna hjá teimum, ið eru frammanfyri. Vinnarin av kappingini er tann millum tey sum hava súkklað flest umfør sum er fyrstur á mál.

Lýsing av rutu

Startur og mál eru Velbastaðvegnum uttanfyri Wenzel. Súkklað verður við sólini í ring – fyrst niðan eftir Velbastaðvegnum, har vent verður til høgru oman eftir Kirkjubøarvegnum, síðani til høgru oman eftir Marknagilsvegnum og at enda til høgru niðaneftir Velbastaðvegnum á mál við Wenzel aftur. Teinurin er 1,2 km langur við 30 hæddarmetrum.

Kappingarbólkar