Mikukvøldið 3. september varð kappast í FM Veg tíðarsúkkling á Strondum.
Íalt 19 luttakarar kappaðust í opnum bólki og U19.
Í opna bólkinum settu oyggjaleikasúkklarar dagskránna, og nýggja felagið í Vágum, Vága Súkklufelag fekk sítt fyrst FM heiðursmerki.
Pauli Poulsen úr Troy vann kappingina við tíðini 38:35,3. Bergtór Tórsteinsson úr Norðstrok gjørdist nummar tvey við 40:36,5 og Jóanis Albert Nielsen úr Vága Súkklufelag gjørdist nummar trý við tíðini 41:42,5.
Í U19 bólkinum vann Jónatan Gregersen úr Troy við 53:12,3, frammanfyri Mikkjal Heðin Rosen úr Tórshavnar Súkklu- og Triathlonfelag (53:24,6) og Benjamin Crooks úr Tórshavnar Súkklu- og Triathlonfelag við 1:02:09,7.
Sí øll úrslitin á Webscorer her
fv: Bergtór (silvur), Pauli (gull), Jóanis Albert (bronsa)
fv: Mikkjal (silvur) Jónatan (gull), Benjamin (bronsi)