VEG Giant Várkapping 1

Afturvendandi GIANT Várkappingin byrjar leygardagin 27. februar.

Teinurin leygardagin er ein teinur, ið vit hava roynt áður. Startur og mál er við keiina í Kaldbaksbotni, og súkklað verður tríggjar ferðir aftur og fram, tilsamans 24 km.

Skrá

Møtt verður stundisiliga til innskrivingina, í seinasta lagi hálvan tíma áðrenn byrjan.

• 16.00 Innskriving (minst til tilmelding)
• 16.50 Súkklarar klárir til byrjan
• 17.00 Kappingin byrjar

Fyrsti súkklari fer kl. 17.00 og síðani er 1 min millum súkklarar.

Lýsing av kappingarrøð

Giant Várkapping er ein kappingarrøð í einkultstarti á vegnum sum er skipað av Tórshavnar Súkklufelag. Kappingin er skipað yvir 5 umfør har FM í einkultstarti 18. juni 2021 verður finala.

Umfør

• 27. februar 2021
• 20. mars 2021
• 3. apríl 2021
• 24. apríl 2021
• 18. juni 2021

Bólkar

Kappingin er skipað í tveimum bólkum, opin bólkur kvinnur og opin bólkur menn.

Stig

Kappingin er skipað sum ein CUP kapping, ið er samansett av fimm umførum. Fýra av fimm kappingum telja. Fyri hvørja kapping fær fyrsta pláss 7 stig, annað pláss 5 stig, og triðja pláss 4 stig, fjórða pláss 3 stig, fimta pláss 2 stig og allir aðrir luttakarar sum gjøgnumføra fáa 1 stig.

Reglur

Tað er fyri hvørja kapping lýst, hvør súkkla er loyvd. Í nøkrum kappingum er loyvt at nýta einkultstartssúkklu ella kappsúkklu við boylum á, og í øðrum kappingum er bert loyvt at nýta kappsúkklu. Tað er altíð krav at nýta hjálm.

Í einkultstarti byrjar hvør súkklari fyri seg við einum ávísum tíðarrúmi millum hvønn súkklara. Oftast vil hetta vera 1 min. Síðani verður tíðin sum hvør súkklari brúkar at súkkla ásetta teinin samanborin og skjótasta tíð vinnur.

Er neyðugt hjá einum súkklara at yvirhála ein annan, skal hetta gerast so skjótt sum gjørligt undir tryggum umstøðum. Tann ið yvirhálar, hevur ábyrgd av at kunna seg um tað er gjørligt at yvirhála jf. ferðslureglunum, og síðani fara minst 1,5 m til vinstru uttanum súkklaran sum verður yvirhálaður. Eisini skal farast varliga og trygt inn aftur tann yvirhálaða minst 10-15 m frammanfyri. Tann ið yvirhálar hevur ikki loyvi at liggja í verju frá vindinum aftan fyri tann frammanfyri, men eigur at leggja seg út til síðuna tá ið verja kennist frá súkklara frammanfyri, uml 5-10. m áðrenn yvirháling.

Tilmelding

Tilmelding er til hvørja kapping og fer fram á Webscorer. Leinkja til tilmelding er undir hvørjari kapping í røðini.

Luttakaragjaldið fyri eina kapping er 50 kr og fyri alla kappingarrøðina 200 kr. Gjaldið skal flytast til Tórshavnar Súkklufelag á kontu  9181-1244452 í Betri Banka.