Súkklivenjingarlega á Gran Canaria 2026

Súkklivenjingarlega á Gran Canaria 2026 🚴‍♀️☀️

Kom við okkum til eina viku við sól, venjing og felagsskapi á Gran Canaria!
Frá 27. januar til 4. februar 2026 fara vit til eina av best egnaðu oyggjunum í Evropa til súkkling, har vit sameina góðar vegir, fjølbroytt landslag og hitt góða januarveðrið.

Praktiskt

Ferð: Direkte flogferð frá Føroyum til Gran Canaria við Atlantic Airways
Gisting: Sport Hotel Monte Feliz – powered by Playitas
Matur: Hálv pensjón (morgunmatur og nátturið)
Flutningur: Inkl. flutningur til og frá flogvøllinum á Gran Canaria

Prísir

11.500 DKK pr. persón í dupultkamari (deilir kamar við øðrum – skriva viðmerki í tilmeldingini um tú hevur ynski um kamarfelag)
15.500 DKK pr. persón í einakamari (avmarkað nøgd – sig frá skjótast, skal bíleggjast serskilt)

Við tilmelding rindar tú 3.000 DKK í depositum + 100 DKK í avgreiðslugjald. Restin skal rindast seinast 1/12-25. Lena sendur eina rokning á mail tá vit nærkast.

Venjing og málbólkur

Hetta er fyrst og fremst ein venjingarlega fyri bruttohópin í súkkling og triathlon, men øll eru vælkomin at koma við.

Landsliðsvenjarin leggur venjingarætlanina fyri bruttohópin, og øll kunnu síggja hvussu venjingin verður skipað.
Tveir felagstúrar verða møguliga gjørdir hvønn dag – ein fyri teir skjótari og ein fyri teir minni skjótari súkklararnar.
Tú ert eisini vælkomin at leggja tíni egnu túrar eftir egnum ynski.

Umhvørvið

Gran Canaria er eitt mekka fyri súkklarar – her finnur tú:

Brøttu fjøllini í norðurpartinum við episkum stigningum og útsýni
Langar og slættar teinar í suðurøkinum til roynd og góðar TT-venjingar
Framúr góðar vegir og lítil ferðsla á teimum bestu rutunum
Einastaðni har tú longu í januar kanst súkkla í sól og 20+ stigum

Hetta er staðið, har nógv av heimsins bestu lið og einstaklingar leggja sínar vetrarlegur.

Hjálparlið

Vit arbeiða við at hava mekanikara og hjálparfólk við á túrinum – og møguliga eisini bil, sum koyrir aftan á. Meira kunning um hetta kemur, tá ið vit nærkast.

Íroknað í prísinum

✔️ Flogferð úr Føroyum til Gran Canaria
✔️ Gisting á Sport Hotel Monte Feliz
✔️ Morgunmatur & nátturið (hálv pensjón)
✔️ Flutningur til/frá hotellinum
✔️ Venjing og leiðsla

(Vit arbeiða við at finna loysnir fyri energi á rutuni – annars ber til at keypa á staðnum)

Ikki íroknað

❌ Ferðatrygging
❌ Sukur/snacks á rutuni
❌ Drykkjuvørur til døgurða
❌ Súkkluleiga (viðmælt at hava egnu súkklu við)

Avmarkað pláss

Vit hava 20 pláss, so meld teg til beinanvegin, um tú vilt tryggja tær pláss á hesum serliga túrinum.