Føroyaleikir 2021 MTB Stuttteinur

Fjallasúkklukappingin í XC á Føroyaleikum verður ein stutteinakapping á økinum við Eirargarð. Teinurin hevur verið nýttur fleiri ferðir áður og er ein stuttlig kapping mitt inni í býnum. Kappast verður í opnum bólki fyri menn og í opnum bólki fyri kvinnur.

Skrá

17.00 Innskriving
17.45 Startuppkall og kunning
18.00 Startur
18.45 Súkklarar á mál
19.00 Heiðursmerkjahandan

Tilmelding

Tilmeldingin til kappingina er í seinasta lagi 19. juni 2021. Tú skalt gjøgnum tvey trin fyri at melda til:

1.  Melda til Føroyaleikir á www.foroyaleikir.fo
2.  Melda til kappingina hjá SST á webscorer við at klikkja á knøttin við tilmelding

Kostnaðurin fyri at melda til Føroyaleikir er 200kr og til ber at keypa gisting og mat. Hetta verður alt goldið gjøgnum Føroyaleikir. Eingin kostnaður er afturat gjaldinum til Føroyaleikir. Ivast kanst tú seta teg í samband við SST á sst@sst.fo ella 221230

Kappingin

Súkklað verður í 35min umframt eitt umfar. Tað vil siga, at tá ið 35min eru farnir og ein súkklari kemur framvið málinum, verður ringt á einari klokku og súkklarin fer á síðstu rundu. Vinnarin av kappingin er tann sum millum tey sum hava súkklað flest umfør kemur fyrst á mál.

Rutan

Økið kring Eirargarð og landsjúkrahúsið er karmur um eina skjóta og forvitnisliga rutu sum sæst á kortinum niðanfyri. Byrjað verður við p-plássini uttanfyri kantinuna á Landssjúkrahúsinum og síðani verður súkklað runt millum bygningar í mótbrekku og undanbrekku. Teinurin er 1,0km langur og hevur uml. 28hm fyri hvørja rundu.